تعريف المزراع الموبوءة وطرق القضاء على الفئران في المزارع

كتير من المربين بيشتكى من ظهور مرض معين كل دورة 
وبنسمى المزرعة موبؤءة بمرض معين
وطبعا بنستخدم برنامج تطهير قوى وبعض الاحيان يظبط وبعض الاحيان يجى المرض بتاع الدورة اللى فاتت بردة
طبعا علشان نتغلب على مشكلة زى دى بيكون 
المطهرات واستعمالها بشكل مدروس
الامان الحيوى وفهمة وتطبيقة جيدا
و الاهم الحاجات المشتركة بين الدورتين اللى هى 
الفيران
و الطفيليات الخارجية
الاتنين دول مشتركين بين الدورات كلها وبينقلو لحضرتك جميع الامراض اللى اصابتك الدورة اللى فاتت
وهنا هنركز عليهم شوية

اولا الفيران
افضل حاجة انا استعملتها فوسفيد الزنك 
من وجة نظرى افضل مبيد فيران شفتة
طبعا هو بيعمل سيولة للدم عند الفار وبيقلل الاوكسجين فى جسمة وبالتالى بيخرج من الجحر او اى مكان مختبئ فية علشان ياخد اى اوكسجين لاكنة بيكون مات
ودا سبب ان مفيش فار هيموت فى الجحر بتاعة
من الخبرات الحقلية فى الموضوع دا
تغير الطعم يعنى الحاجة اللى هنحمل علية المبيد دا
طبعا بعد ما تتغسل وتطهر هتجيب اطبق فيها علف وترش عليعا الدوا دا ( فوسفيد الزنك)) وتوزعها فى اماكن انتشار او تحرك الفار
بعد يومين بالظبط هتلاقى 60% من الفيران ماتت
طيب والباقى ؟؟؟
الباقى شفات اخوانة ماتو فمش هيرضى ياكل من العلف دا 
فحضرتك هتغير ريحة الطعم يعنى ترش علية عصير طماطم او خميرة
وبعد يومين هتلاقى 25% من الفيران ماتو
والباقى واخر مرحلة 
اضافة اى ريحة سمك على اطباق العلف دى حتى لو بواقى سمك من البيت
بكدا هتكون عملت ابادة كاملة للفيران اللى عندك 
باقى اى فار يجيلك من بردة ودا ممكن تتغلب علية بصيانة المزرعة من تقفيل الشقوق والاماكن اللى بيدخل منها
طيب الطفيليات الخارجية
مفيش مزرعة بتخلو منههم ولو عاوز تشوفهم اثناء الدورة سيب اى كيس علف او علافة على السبلة مدة طويلة وبعدين شوف تحتها هتلاقى طفيليات على كيفك
دى بتكون سبب هام فى نقل اى مسبب مرضى من دورة الى اخرى
دى حلها عمل برنامج اضافى الى برنامج التطهير بتاعك
وهو
طبعا بعد الغسيل والتنظيف بالماء العادى
** غسيل بصودا كاوية بمعدل 4 ك لكل 100 لتر مية 
ودى قلنا قبل كدا طريقة استعمالها 
ودى هتخلصلك على 65% من الطفيليات الخاريجة
الخطوة اللى بعد كدا 
** رش اوكتامين او اى دلتاميثرين او سيبرميثرين او ديازينون كل على حسب التركيز اللى موجود على العبوة
طبعا كلهم امان حتى على الطيور ماعدا الديازينون 
بعد رش المبيد دا تترك المزرعة 48 ساعة
ونيجى للمرحلة الاخير اللى هتخلى مزرعتك خالية من الطفيليات دى لمدة لا تقل عن 6 اشهر الى سنة
وهى
** دهان المزرعة من الداخل والخارج بالخليط الاتى
50 كيلو جير مطفى 
+
750 مل ديازنينون
+
10 ك ملح طعام
اخلطهم فى برميل كبير وادهن بيهم كل مكان بالمزرعة
اتمنى يكون البوست مفيد للناس اللى مزراعها بتشتكى من امراض منقولة
مع تحياتى وشكرا