نصائح في تشريح الفراخ وكيف تعرف الاعضاء المصابة

حاجة سريعة وانت بتشرح

بعض الاعضاء اعرف اذا كانت مصابة ولا لا

زى الرئتنين 
نطلعهم بردة ونحطهم فى كباية مية
لو غطست يبئى فيها التهاب رئوى
لو طفت تكون سلمية

الكبد
فى الكبد انت ممكن تعرف اذا كانت دهونة عالية ولا لا طبعا بالاضافة الى الفشل الكبدى

نطلع الكبد برة ونقطعة بسكين حاد

لو النصفين المقطوعين رجعوا لبعض بسرعة والتحمو معناة الكبد سليم
لو اطراف القطع دى انحنت او تقوست او كبرت نصف عن الاخر يكون فية فشل كبدى والدهن فية عالى

بس طبعا مش سموم لان السموم مش هتعرف اصلا تقطعة لانة هيكون مهرى

طيب والطحال

يسرى علية ما يسرى على الكبد بالظبط

اما القلب

اضغط علية بقوة لو لقيتة اسفنجى يبئى القلب مصاب

حاجة كمان عن القلب لان الناس مفكرة ان اى دهن حول القلب معناة اصابة 
طبعا لا لان لازم يترسب دهون حول قاعدة القلب ودا طبيعى

لاكن لو الترسيب ذاد وكمان فية انزفة علية يبئى دا مرض (كوليرا)

اللهم اجعل عملنا هذا خالص لوجهك الكريم
مع تحياتى وشكرا