علاقة البيض الارضى بوقت التعليف فى الامهات وتجنب وجود بيض ارضي أو ضعف الاخصاب

البيض الارضى دا الكلام فية كتير جدا

لاكن احنا هنقول حاجة فنية المشرف المحترف هو اللى بيلاحظها

وهى ان فية 3 اعمال يومية لازم الام تعملها طول فترة الانارة

وضع البيض
الاكل والشرب
التزاوج

طبعا التزواج بيكون فى قمتة بعد الانتاج يعنى بعد الساعة 2 او 3 بعد الظهر

والانتاج بيكون فى فترة من 9 الى 2 او 3

طيب هياكل امتى ؟؟

لو تم التعارض بين الانتاج وميعاد التعليف الام هتفضل انها تاكل لانها وجبة وحدة يومية فصعب تسيبها وبالتالى هتلاقى بيض ارضى كتير
وتعرف ازاى انك اخترت وقت تعليف غلط لما تلاقى معظم البيض الارضى جانب خط العلف

وبردة لو تعارض وقت التعليف مع التزاوج هتقل الخصوبة ودا حاجة فنية ناس كتير بتغفل عنها وبتلاقى الاخصاب قل ومش عارفين السبب

طبعا السبب ان مينفعش تزاوج وموجود بيضة فى الجسم لازم تطلع

خلاصة القول اننا مش هنمشى الام على مزاجنا كل حاجة على مزاجها والا مفيش اخصاب
وفية بيض ارضى كتير ودا طبعا هيجيب كتكوت مليان سالمونيلا واستاف

مع تحياتى وشكرا